其實話就話第29日,但係我們家係相隔足足一個月後,今日只係地盆進入第4日的工程.噚晚打俾B君,佢confirm今日再度開工喇!!!但噚日上午上進打返屋企,發現仲係未有工人做野喎!於是乎即刻打俾B君,佢話因為呢家個地盆咁多水,所以下午,會有工人入去抽水,而D工人就聽日正式進場開工喇!上進同我講,點解唔噚日/星期日就搵定D工人去抽水呢?我估,B君一日未得A小姐final confirm個圖OK,佢都係唔做住,費事個工程又要停左係度咁啦!!!
又又再失望...
點知,小嘉放工時同上進一齊去買打邊爐食物時,上進話成日都係無工人做野,個心當堂跌一跌,佢即刻打俾B君,B君話原來個工程停左太耐,所以D工人都去左第二D地盆做野,所以T師傅要再call返D工人返黎!Ｂ君話最遲星期五就會開工。
唉！超級勁無奈，不過咁樣的話，希望Ｔ師傅可以連星期日都開埋工，追返D進度啦！因為原先的進度係27/5就起好兩間屋仔的外型,開始裝修,今日都已經28/4喇,得返一個月唔夠的時間,睇黎都係會遲D,不過希望唔會太遲,可以趕及係十月尾十一月頭裝修好,可以搬入去啦!!!
咁點好呢??
原先小嘉打算星期四返去,但呢家都唔知會唔會有工人開工,都係睇睇情況先!
沒有留言:
張貼留言