My Lovely Home の 決定quickstep之旅 (04 Apr 2010)

進入第六天,其實地盆的工程都停左,一來星期日,二來清明節,三來,因為我們後來要加的video door phone,所以電線走位有些地方要改變,所以B君要復活節後才可以將水泥圖交給T師傅去跟進啦!

 

今日做咩呢??

其實今日一早就返左教會上主日學,然後就崇拜,崇拜差不多完的時候,上進打電話俾我(我轉左靜音,唔可以崇拜時嘈啦!),因為我地要趕住join婆婆佢地去沙嶺掃墓.終於係大約三點左右,離開沙嶺,小嘉同上進立刻趕返元朗...睇quickstep無縫地板.

 

我們的選擇

Quickstep有好幾個唔同的系列,價錢由$4x至$90蚊一尺都有,我之前到過元朗分店,他們大一塊塊由約2x2尺的sample可以俾我地去感覺下,係我地隻腳踩過之後,一致選定country 呢個系列.點解呢?因為佢有浮雕效果,其實個個系列的quality都一樣,唔同在於佢地係個板面到的效果,我地踩過唔同系列之後,覺得country踩落去真係好似踩緊natural wood咁,有少少軟軟地的感覺,於是目標決定!!

 

Price...

之前提過今次quickstep有promotion,上進好搞笑咁問元朗舖的小姐係咪有咩問題,所以要咁平,佢當然話唔係啦!原來quickstep每年的christmas, NCY同復活節都會有promotion.嘩!!真係感謝主,因為如果我地miss左今次,就會無咁多discount!

 

不過,事實我地今次都唔係用優惠,但我相信如果唔係撞正promotion,就真係未必可以有咁多discount.今次quickstep的promotion(我地揀個隻啦!)係$88連裝工同腳線(但係收口條要另計),之前係灣仔問過兩間分店,問再有無得平,佢地都話promotion係最平,如果我再鋪大少少地方,可以再傾傾咁!

 

返入元朗好好多

一早搜集過資料,知道元朗有可能會再平D,所以就襯住個promotion未完前,先去元朗看過究竟!咁其實一入到去,我都表明知做緊promotion,但我當然超問佢大無多D discount.咁miss ho好好人,佢話不如做晒promotion同佢可以俾的discount做比較.個價出黎,原來佢個價真係會抵D,不過好少,百零蚊.但我問佢,如果我地做埋二樓,多二百零尺會唔會再平D,跟住佢又做兩個價錢出黎!嘩!!!今次就真係差得遠喇!!!如果我地可以鋪到680尺以上,可以拎到一個好好的discount.

 

於是...

問清楚miss ho話我地呢家可以落訂先,唔使覆實個尺數,因為佢都係要等師傅度的為準,不過佢會係張單到black and white寫明,如果680尺以下有幾多折,680尺以上就有幾多折!所以我地就落左$5000訂先,尾數仲可以做埋免息分期.

 

Color...

由於quickstep都好受歡迎,所以有時有D特別得寵的型號都要預訂,有時甚至需要兩至三個月先有貨.miss ho俾我地可以hold住兩隻色先,咁就可以make sure到時有呢兩色,但我地都可以再俾A小姐佢地compare下D色配唔配合佢地個interior design,萬一唔配,我地都可以盡早話俾miss ho知,咁佢就可以hold返我地要的顏色...

 

好!就睇睇我地揀的顏色啦!!!

 

        

呢個係比較natural得黎有D綠的顏色,都係一個好受歡迎的型號,所以訂定無壞!

 

         

 

呢個就遍黑少少,鋪左係主人房就型仔晒啦!!