My Lovely Home の Day 31 (29 Apr 2010)

再黎過喇!!!

經過漫長的一個月等待,我們家的工程終於再開始喇!雖則話呢家係進入第31天的工程,但其實實質有工人工作的天數只係第4日...不過,相信凡事都有天父的美意係當中

 

做D咩呢??!

噚日其實得好少工人開工,問左宇爸宇媽,主要都係繼續整P弟家的化X池,再加上噚日下午斷斷續續的落大雨,所以工人都做唔到咩野,所以進度可以話無咩進度,我估今日佢地都主要係清理我們家的養蚊池,希望黎緊幾日都唔好再落雨,咁就可以加快追返D時間,希望可以係六月頭開始裝修啦!!!

 

我們都要準備下...

之前小嘉已經大概搵好要買的電器資料,相信好快就會開始裝修的工作,所以小嘉同上進遲D都要懷抱祖國,去看看有咩材料可以用,聽P弟的老婆講,佢姐夫剛剛都裝修緊間屋,而個sales可以俾到街價五至三八折的價錢買中國十大名牌的磚(唔明點解可以平咁多...所以返上去買野,都係搵返大陸人幫手好D…當然係熟的,如果唔係,俾人呃返轉頭都唔奇呀!!),所以如果上進係星期六放假,咁就會同埋P弟佢地一齊返去望望D磚...

 

不過,係之前上進都會約A小姐,睇睇佢的interior design係點樣,咁我地先可以有個範圍去sort out想用的磚啦!!!

 

超期待...

好期待去睇磚呀!唔…我地要睇地下living room, dinning room(其實即係open kitchen位置),小偏廳,地下bedroom,三個toilets,露台,天台的磚...至於戶外磚,我諗可以再遲一步先睇…仲有戶外木,不過好似B君會包埋…遲D問清楚先!!!