My Lovely Home の 期待又煩人的video door phone ...暫時決定篇!

好!講完spa...下一個目標就係Video Door Phone喇!!!

 

睇漏眼...

其實係呢都幾日煩緊個video door phone,因為主要係想三樓可以控制到開門而地下亦可以聽到門鐘聲.初時搵到panasonic的VL-SW102,佢有埋portable的remote,咁就唔使煩啦!點知,細問又好似話panasonic唔可以駁DDL,於是又係度諗裝兩個samsung monitor,但係SHT3005好似有問題,於是再細細研究SHT3207啦!

 

Samsung SHT 3207

其實SHT3207係ebay見到都係賣$3500,我心諗另外加個monitor應該會平D,咁樣個價錢其實同買panasonic都差唔多,可以考慮下!於是立刻搵返ebay個seller,問佢咁樣要幾銀.然後,小嘉再努力係網上看看!

 

又失敗喇!

其實今次起屋仔事件簿,真係令小嘉更感受主的帶領.我一路搵好多資料,一路看,有時心裡所想的,以為萬無一失,但係都發現原來唔work.唉!原來SHT3207係只可以一對一,並唔可以再駁monitor,係咁樣情況...小嘉都唔諗咁多,於是交俾天父啦!有就有,無就無...

 

咦!!PLC有panasonic...

小嘉發現samsung無望時,反而一心打算看看吧的心態再上PLC個網看看有沒有panasonic啦!哦!!!見到PLC原來都有賣panasonic喎!!但係點解之前無論係網上同門市都看不到呢??感覺真是天父的帶領和開路,雖然唔知用唔用到,但小嘉於是決定再到PLC一次!

 

原來係咁...

去到PLC,真係看到有Show Panasonic的視像系統,但再望望...嘩!!!原來SHT3207有另外配置一個電話,一樣可以開門和有門鈴.呢個應該是新的,因為之前真的沒有,而且價錢平了$300喎!!

 

於是小嘉立刻問問,但Sales哥哥同我地講唔建議用SHT3207黎開門,因為要好煩咁駁返D電線等等,所以佢地公司都唔recommend D客去用黎開門.但小嘉同佢講,因為我地起村屋,所以可以預留呢D電線位去做接駁.

 

噢!!!算唔算晴天霹靂呢??!

一心打算install DDL的我地,發現原來做唔到呀!!PLC的Sales哥哥同我地講返,其實電子門鎖唔適合我地呢類村屋,因為門鎖會安裝係戶外,而DDL裡面的電路版,唔受得日曬雨淋,所以裝左都2-3年就壞...下??!

 

柳暗花明...

真的超感恩,我們之前還打算先買好DDL和vidoe door phone,咁樣B君佢地就可以有實物看看怎接駁啦!但係,原來係用唔到,感謝主係我一路尋找資料時,一路的帶領,讓我不用浪費金錢買了不合用的東東...超感恩的說!

 

繼續報導...

不過,雖然用唔到DDL,但反而可以用到panasonic喎!!!因為panasonic真係要配答電鎖,但我地呢家只可以裝機械鎖,原來電鎖同可combine落個機械鎖!而我地應該會揀有電才開門的電鎖!我地已打算panasonic的main monitor放係地下的中間位罝,而個portable remote就放三樓!

 

好感恩好感恩...

真係好感恩,係呢個尋找DDL和video door phone的途中,真係學識好多野,而且結局都很喜歡哦!唔...呢家用唔到DDL,我地可以慳返$2xxx,咁就可以幫補返其他用多左的地方...無錯,有好多地方都有嚇死人的over budget.