我地行完去睇抽油煙機,跟住又行返去灣仔駱克道睇spa.
目標…
我地的行程有leisure plus睇bathroom design的together 170 series的實物,可以的話,再試埋放水睇下D jets and air bubbles係點.跟住都去埋呢個roca再問問如果內置埋的Spa最少要幾銀.然後就行行走走時看看有沒有舖頭有賣,再去八八咁!
Roca…
去到Roca,就路直踩上三,上到去...咦???!咁多人,原來係許志安係度拍MV,噢!因為好似好阻住人地咁,所以我地兜個圈行行就算.落返地下reception問,佢話如果要內置,最平都要十幾萬,嘩!!!咁我又唔捨得喎...所以roca被算中的機會可以話係零(雖然佢有得揀浴缸配air jets).
Leisure Plus…
呢間有代理埋Toto的公司,上進擺明就好喜歡佢個Together系列,不過之前問清楚,佢係made in Thailand,不過發覺大部份大細牌子唔係大陸就係泰國,所以應該都OK掛?我地去到上到去...點解黑麻麻咁??原來,佢地都放easter hoilday,噢!要7th April先開…上進超失望而回…
中途小插曲…
原先發現leisure plus無開,我地就走去睇鎖,然後tea完就各自搭車走人(因為佢星期要返工,我就返娘家啦!!!),tea完時,我又唔知點解好想行多一陣,其實無抱咩希望見到D咩野,但係都行行咁啦!!
點知!!就係我一落大家樂,抬頭一望,見到間磚舖同時有埋spa的燈箱,好奇想入去睇睇,入去時上進話呢間好似都係有代理靚磚王的店.(我唔記得咁多啦!),於是入去望望.
原來佢地二樓有賣浴室的東東,上去睇,有spa喎,佢其中一個show出嚟,係有bathtub plus shower box,咁即係可以浸又可以用shower個邊的jets嚟射個背.望望價錢...$69000,問個sales哥哥,佢話係全部意大利造!!!咦??!咁平!!OK喎!!!再問有無D bathtub款,佢講返原來佢呢度係新擴張,所以款少D,跟住佢帶我地再行過幾間舖,原來係分店,佢呢度都有幾款spa喎!!!見到有一個個款都OK鍾意!!不過要$55000,但一樣係全意大利造…感覺好似好D咁!
Albatros
個名就係叫Albatros喇!我地係咁問有無得平D,但係原來$55000已經20%off左,而且未計installation fee$5000同運費$500,仲有每層樓梯都要錢,每層$500…嘩!!條數好勁喎!!
不過sales哥哥話,如果4月前訂,可以再有9折…同埋如果買埋其他野,佢可以平到D installation fee.
暫時結果
唔...因為together 170始終未睇佢放水後的感覺,同埋albatros的安裝同運費真係好貴...所以都要問清楚leisure plus個邊會唔會有呢D錢要收,同埋都問清楚A小姐,係咪真係意大利的會好D呢?又試下問B君個邊的師傅會懂安裝,如果識,咁就可以慳好多….諗諗…諗諗!
事後跟進...
昨晚上進終於的起心肝,打左電話俾A小姐,係詳細的討論當中,A小姐都話對上述兩個牌子的認識不多,於是......A小姐會搵相熟的Sales問問這兩個牌子的spa好唔好,又或者會唔會有一D比較好而又match到我地個budget的spa...所以現時戰果...暫時休戰,待A小姐回覆啦!!!
P.S.唉=.=’ spa的budget由$20000去到$50000,呢家連埋安裝,要加到去$60000喇!!!好貴呀!!!
沒有留言:
張貼留言