最緊要乾淨...洗衣機
終於講到洗衣機喇!其實初時都有D睇中Whirlpool架!佢D機個樣又靚仔,又好似好正咁!但係,係網上面搵下搵下,發現唔同類型的電器,對惠而蒲都係彈多過讚,主要都係成日壞,好易壞咁...所以綜合同事同網上意見,都會揀返金章牌喇!
俾佢個名誤導添!
其實我初初聽到金章牌,有少少唔係好想要,因為佢個名好娘,好似好大陸咁(唔...有D政治唔正確,唔應該有bias大陸野唔好,不過...),不過後尾搵搵下資料,哦!原來係意大利的.
乾衣唔乾衣???
上進本身想要有埋乾衣功能的洗衣機.但睇過金章的catalog,有埋乾衣function的都會深好多.好似好大部咁,而且自己對2合1 都係覺得唔係太好,都係專專心心咁洗衫算啦!所以初步睇中金章的ZWS5108,揀佢原因,佢有 六公斤,Standard size同埋意大利造囉!
洗衣機@Sogo 10/F
去睇Panasonic陳列室時,發現隔離都有其他牌子的電器,於是都去望望咁啦!發現都有金章喎,但係望黎望去都無我地想要個型號...於是轉戰下個戰場.
洗衣機@Fortress
去到豐澤,佢都一樣...無ZWS5108 show出黎,剛好個工作人員就係金章的職員,於是佢話會有呢個型號,不過無show出黎.同時間,上進又發輝佢行黎行去的精神,望見架洗衣乾衣功能,又心郁郁咁喇!
按金章位職員的表示,金章的乾衣功能可以全乾,所以都好好咁!不過因為有埋乾衣,所以部機都一定係深D,不過,佢話廚櫃一般有24吋深,所以可以入到櫃,當然,如果造埋櫃門,咁就要個廚櫃造深D喇!
Conclusion
雖然話乾衣乾到100%,不過聽同事講,可能乾衣時間要成個幾兩個鐘!再加上,平時根本唔會用呢個function,屋企有天台,有露台,有花園,咁多地方曬衫,好過乾衣啦!就算遇到潮濕天氣,由於小妹實在超級無敵好怕凍,所以會有一個浴室安裝浴室寶,咁浴室寶其中一個主要function係乾衣...咁樣,就一於維持原判...ZWS5108啦!
唔知你有無考慮過西門子呢.
回覆刪除嗱, 我極度唔讚成用惠而浦, 因為我係用佢的, 勁唔好用, 又容易壞, 同同事朋友傾開, 佢哋都唔like惠而浦呀. 千萬別買呀.
至於金章, 都有幾個同事話唔好, 以前就好好喎, 而家唔好, 佢哋都轉哂了.
個個都轉哂用 西門子 啊.
希望對你有幫忙啦.
[版主回覆05/10/2010 14:55:00]係呀??!
因為我聽媽咪同一個同事講,佢地話金章最好(媽咪超唔鍾意惠而蒲呀!!!成日壞!!!),咁我都要再search 下先得!!因為呢家心目中係用金章,因為我無咩留意個西門子(係行開舖見佢個款幾靚,不過唔知好唔好用),等我再研究下先!!!
thx thx!梗係有幫忙啦!!我呢家都未買電器住,我大約八月尾左右先買!!!
咁我會要金章都唔會要惠而浦呀.
回覆刪除[版主回覆05/11/2010 10:30:00]不過都有見D人話惠而蒲好....但係...穩陣D都係金章...
我等陣都上網搵搵西門子的資料...如果好D又可以入到個櫥櫃,咁都可能用西門子囉!!!
您好~
回覆刪除因為屋企空間有限,所以想買部薄身d既洗衣機,目前睇中金章ZWS5108;
但又聽見人地話薄身機好易壞同無咁好.
請問您呢段時間用金章ZWS5108覺得如何?好嗎?
會唔會有咩唔好既情況出現?
同埋我見ZWS5108既size只係寫高85;濶60;深45cm,
請問個呎吋已計埋喉位了..?
希望您可以比少少意見我丫,謝謝!
[版主回覆01/25/2011 15:48:00]sorry呀!!我因為想要有time management同LCD monitor,所以之後轉左用eletrolux(其實同金章係同廠的...金章原來係好多年前俾eletrolux合併左!!),呢部都一樣係薄機,不過我到呢家都未用過部機,所以....唔知有無咩特別問題呀??我無咁快會用部機住...你急唔急要知埋eletrolux呢部size??我可以返去望望既~
多謝您既回覆~~
回覆刪除哈哈...見到你上年4月諗買洗衣機,估唔到而家都未用喔,
點解未用,唔遲d買既?唔洗side左呢段時間既保養嘛.
你可以俾個型號我,我自己check都ok的,thanks~
好多電器要買,所以周圍睇緊網上面既 comments,
真係好多謝您地blog入面既朋友俾意見,同回覆! : )
[版主回覆01/25/2011 23:26:00]其實上年4月係睇定款,因為最初話係十月中可以入伙...咁比較一兩個月就差不多可以買啦!!原先話聖誕前一定搞掂,所以十二月時買左呢部Electrolux EWS10470W 喇!!!
點知...拖吓拖吓,搞到呢家都未正式入伙,所以部機係放左係度差不多一個月都未開封>.<
O.....真係拖左好耐bor,不過裝修d野真係好難講,
回覆刪除我地都控制唔到,雖然你攪左咁耐,但最重要有間滿意既屋企嘛.
我尋日去左豐澤睇金章,隔離果部就係Electrolux EWS10470W ,
個sales都有推介,我地而家仲未定到,哈哈...花多眼亂~
[版主回覆01/26/2011 21:46:00]裝修真係超煩!!!噚日又發現有問題,仲要唔係小問題...屋企有幅特色牆,都未正式收樓,d木皮飾面有太陽晒既地方己出現變色,好過份,個師傅夠膽死話無辦法,又話用左室內木,咁佢去睇之前都一早佑幅牆對住玻璃啦!我地呢家點都唔會俾尾數住,佢一日唔整返好,我地一日都唔會俾,哼...錢就識得即刻拎!!! 你如果真係有睇中既洗衣機,你唔使去豐澤呢d大店買,會貴d架!!你係綱上search下,有d網上店平好多,其實d貨都係總代理個邊送同安裝架!!
咁真係唔好俾錢佢住呀,俾左佢更加唔理你o家~
回覆刪除裝修師傅都真係好睇彩數,搵時實話乜都得,態度又好,
但俾左錢落訂、開工,就唔同哂.
我地都係o岩o岩開始拆野,所以暫時都未有衰野出現,
希望你往後都順利啦~
會呀,謝謝您提醒
會去教協格價,另外朋友都俾左個代理電話我,話都會好平,
因為每樣電器平少少,就慳番好多o家喇,
你知啦...裝修洗好多錢~~
[版主回覆01/27/2011 09:26:00]係裝修呢段期間,因為因好多唔同工種既師傅出現,真係發現佢地呢行,十個有九個半都鍾意講大話,唔知係咪佢地D行規.
希望你個師傅係好好人,就係個半個例外啦!!!係代理直接買真係平D架,應該比教協呢D平多幾百咁啦,慳得一蚊得一蚊,裝修D錢真係好似倒水咁架>.<
唔同工種,但係同一間裝修公司嗎?
回覆刪除如果同一間公司,你搵番最大果個傾,應該會好d,
有咩就叫佢同番下面細既傾~
係呀...真係慳得一蚊得一蚊,
o係網上面搵好多電器既comments同格價,
剩係呢d都夠忙,工程果d都係我先生攪多.
你趕新年前入伙嗎..?
[版主回覆01/28/2011 09:27:00]我地個情況其實幾complicated,因為我地係起村屋...咁大判主要做起屋同基本裝修,咁做木工那個師傅其實係朋友介紹,然後為方便夾工程就當係大判下既細判.
不過我地噚日都有同大判講返唔俾錢住同發現既問題,另外都直接搵左呢個木工師傅同佢嘈...感恩,同佢講完咁佢都好resonable,都話可以hold住個一part有問題既裝修錢,咁佢都話問緊行家會有咩解決方法,又或者換第二D materials再做,所以我心都安樂D咋....真係好煩!
裝修真係用好多錢,仲要成日係唔覺唔覺咁...好似買任何野,明明自己有個budget,但去到見有好少少,又好似價錢都係貴少少,於是就買個貴D...初初唔覺唔覺,但樣樣咁貴少少就....我都唔敢睇返個價錢
你就好啦,你老公可以專注係工程...我老公因為返工好忙,雖然有咩要同大判講時都係佢出口,但係...我都要知道所有野,發現有咩唔對路就即刻話俾老公知,所以好煩囉!
唔怪得知啦...所有野都由無變有,係複雜d....
回覆刪除而家個師傅肯同你諗辦法,都肯負責,咁都好,唔洗擔心啦~~
我都好有同感呀,都係越睇越貴果d,哈哈...
成日諗住自用,買貴少少都ok,雪櫃本來買個2千尾既,
睇睇吓,就變4千幾既,抽油煙機諗住2千幾,
但見到富士皇又覺得好,又變左4千幾...哈哈
同埋好多野都預計唔到,好似有d喉位要搬,又係錢;
預算時,都預唔到咁多,所以而家都out budget....
村屋好大喎,咁咪有幾層囉....正喔~~
[版主回覆01/28/2011 12:13:00]哈哈!!我都係初初諗住買部外型靚仔又平平地既抽油煙機...點知睇吓睇吓,見人地話富士皇好,我又係轉左買佢.
樣樣電器都差不多有同樣狀況...所以呢家超窮
我地都係個D 700尺村屋,有三層咁,不過交通唔太方便...每日用多左時間返工放工.
係呀....真係每樣野都多少少,加加埋埋就好犀利o家喇.
回覆刪除好彩我地都會格吓價搵d平野,如果o係外邊連鎖店買,
真係好唔抵呢~
可能我同你o係網上面睇到既野都差唔多...呵呵~
村屋好實用,每層700呎,好大喔~
通常村屋都係蹺腳d,但可以用平d價錢買到大d既地方,真係好正~
大部份電器都差唔多確定,
但都仲係未諗掂買金章 ZWS5108 定Electrolux EWS10470W .
LCD monitor,會唔會容易壞呢...?你覺得洗衣機Time management好重要的..?
其實呢兩樣野有咩吸引到你..?唔好意思,因為我真係唔係好識.
你會整窗廉嗎?
人地話大陸整好平,但我真係好少番大陸~
[版主回覆01/28/2011 14:29:00]係呀,村屋點都比高樓大廈平D,不過就係無咁方便囉,如果地點方便個D,就會好貴同個環境相對無咁寧靜.
我洗衣機...其實time management都唔太大用途,純綷我貪佢有個monitor好似型仔D咁咋 ,對我嚟講,返而有得預較時間會緊要d,因為洗一機衫原來要成個幾鍾,如果預較左每日放工時間左右開始洗,咁放工返到屋企咪可以晾衫,唔使等.
窗簾我都見D人話大陸平D,但係有d人話如果唔係做多個窗,其實旺角個頭做都唔會真係貴好多,最緊要呢家兌換率唔平,又有車費運費,所以如果只係做幾隻窗,係香港做都唔差太遠.
不過我自己個D係o係深水Po買布,然後媽咪幫我車,所以慳返好多手工費囉^^
係呀...其實都好難兩全其美,
回覆刪除我都想優靜d,但又想交通方便,又想番媽媽同奶奶度近d.
又想層樓平d,哈哈..
但我諗最想應該係中六合彩頭獎..哈哈哈
我好buy你話預較時間果個point....嘻~~~
你o係邊度買?買左幾錢?.....等我都格下價先....
你媽媽好叻呀~~~羨慕~~
咁又係,而家人民幣咁貴,如果o係hk造,唔係差好遠,都費事走來走去.
你地有幾層,有無諗過租出去...?可以幫補d嘛~~嘻
[版主回覆01/28/2011 23:55:00]我個部買左四千幾...係我細妹朋友幫我買,好似話係員工喎,我都唔太清楚.
不過我係網上面比較過,價錢其實都差唔多,你可以試下美的家電器直銷,好似都幾平...
佢個website:
http://www.sweethome128.com.hk/washer.htm
我老公前排係呢度買左部熱水爐俾老爺,so far都OK,如果你係佢個網上面無show價錢,你可以打電話見佢報,如果你覺得價錢貴,你可以同佢講吓價咁...又話者你可以係格價網睇過最平價錢,如果同佢有分別的話,你話佢知你見過XXXX價錢,咁佢有可能會平D俾你架^^
我媽咪以前做車野,咁佢自己又好鍾意車野,所以咪幫我車囉!!
我地有三層,都會自己住...因為老公條村無外姓人住,所以...就算想放租,應該都無咩人夠膽嚟住lu~
唔該哂您呀....俾咁多有用資料我!
回覆刪除你買4千幾好平喎,我問到而家個價最平都要5200,
所以我諗住買番金章,$4800,慳番d....嘻
其實我都係住圍村長大,以前我地條村都係得自己人住,
但而家村裡面越起越多屋,自己人都住唔哂,
而且起親d屋,都會分層,預住租俾人,
所以多左好多外姓人呢...
都真係幾得意o家,以前d村,真係所有都係自己人,
所以外面d人聽到,都真係有d驚入村的.
我見到你都想買Panasonic NN-SV30,
我最初都睇中的,但覺得佢真係好貴,
問過價最平都要5千幾,
所以我而家應該會買惠而浦JT369....慳番D..
[版主回覆01/31/2011 09:49:00]咁橋!!其實我娘家都係圍村人...不過一樣,呢家超多外人住lu...
我係錦田個邊,所以除左多外姓人,連其他國藉人士都超多,所以一年有幾晚佢地會好嘈,因為慶祝佢地既節日,不過so far大家都可以和平相處~~~
係呀,我買NN-SV30,呢部都一樣有discount,所以我買...無記錯係$4800..呢個係我先斬後奏...如果一早俾我老公知咁貴,佢實唔俾我買架...哇哈哈哈!!!
其實都係各住各,唔係太過份,都唔會有咩問題既,
回覆刪除我地圍村人都係好人黎嘛~~哈哈...
因為網上面講個爐,真係有讚無彈,所以真係好吸引,
$4800真係買得好平喎,我見到最平都$5600,你格價好叻bor~~
[版主回覆01/31/2011 11:40:00]哈哈...基本上呢家D村都開放左好多,不過有時外人係村都真係要小心D,我前排先見過,一個電話公司既員工,入左一條村,咁村長同佢講條村唔俾佢入去sell野,點知佢唔識死,話條村又唔係佢,佢有權入去...哈!!我係對面馬路睇住呢個員工係咁俾D村長(五六個呀)追打...係真係打,佢有個朋友係度,不停勸話唔知道,唔好意思,但o個個人仲話又唔係私人地方,點解唔入得(實質...個度係私人地方),於是兩個都俾人打...打到要入人地間舖避難....所以,係村入面講說話同行為都要小心先得架!
我唔係格價叻,只係有親戚識人所以可以拎返代理員工價啦!
嘩....佢真係唔識死喎~~
回覆刪除代理已經平,仲要代理員工價,唔怪得啦,good!
慳番好多~
[版主回覆02/01/2011 10:28:00]係呀!!
不過最近想補買D野...但呢家都未覆買唔買到
如果d野唔急,寧願等吓買平d~~
回覆刪除不過都要小心,今日先發現富士皇今日起加左,
之前無留意,唉~~都怪自己無update,大安旨意~~
[版主回覆02/01/2011 11:16:00]又加左價!!!?
我上年四月買時,就話可能加價...所以落左訂先...到十二月去俾尾數時,就真係見到已經加左一千蚊...咁快又唔同價喇???
加成1千蚊咁恐怖?!~~
回覆刪除我諗住買FS -700V;我之前睇其它人既Blog,前一、兩年就3千8百幾囉,
2月1日前賣$4180;而家$4380 ;其實佢之前都有通告講話今日開始加價,
但我又無為意,無update,如果尋日睇到通告,都會尋日走訂.
仲諗住新年前會唔會有d優惠添....哈哈
點知仲蝕左$200.....
[版主回覆02/01/2011 17:03:00]我上年四月買時...D職員話就快加價...所以我地落左一千蚊訂hold住先.
因為我之前睇左兩個款,所以就我別留意,上年十二月見到比四月時加左$1000呀!!!不過最貴個部就無加價...唔知今次會唔會加呢??
新年快樂!
回覆刪除祝心想事成,身體健康!!新居順利完成,有個開心安樂窩~~
我剩係知我睇時,俾起我買時,貴左$200;
不過佢話送番支唔知咩既清潔濟俾我,話好好用,
買要$130;所以算係安撫吓我呢個師奶...哈哈~~
新年前上左新屋睇,都拆到甩皮甩骨了,
師傅叫我地要訂定磚了,所以等初六d舖頭開市,就去訂;
仲要定埋廚櫃d細節,希望間屋快d有初型睇啦...
[版主回覆02/07/2011 09:37:00]新年快樂!!!
個支清潔劑...好似買親抽油煙機都送....不過,有得送總好過無啦!!
初六D舖開喇!!加油呀,希望你揀到D又靚又抵又襯間屋既磚啦!!
你得閒放D相上blog嚟望吓哎,睇吓間屋既變化都好呀!!!
好丫....我得閒放d相上去俾你睇吓丫,
回覆刪除不過應該睇裝修好既相,開心d.....嘻~~
[版主回覆02/07/2011 10:46:00]都唔係架...睇住由最初買返嚟個樣...然後到煎皮拆骨...最後改頭換面,會好得意...同埋好期待架!!!
可能我未去到呢個地步,而家都剩係想睇到完成品,哈哈~~
回覆刪除我都未試過放野上blog,頭先攪左好耐,唔知您睇唔睇到呢?
唔好意思呀....咁我想問吓可唔可以講我知,
回覆刪除你地櫃,吊櫃做要幾錢尺...?
想格吓價喔...而家先黎格,係咪太遲呢...?呵~~
我地櫃同吊櫃額外計每呎$460,算貴定平呢??
$460係德利板/水晶板/吸塑板...
回覆刪除如果轉西德板無記錯佢地話加$50一呎.
我見好多人都會用西德板,其實佢有咩好呢....?
因為我地本身諗住係用吸塑板的.
ICC...今晚再同老公講吓呢樣野先,
回覆刪除因為我地都係因為靚,所以想揀吸塑板,
都無諗得咁深入添......嘻~
加少少錢,質料好d,我地都ok既,好過整完原來咁多問題.
你整左既木紋櫃,整體感覺ok嗎?
上次上美廚都係睇吓d plan,都無留意d板面既紋,
記得佢有一本專係西德板,但d sample超細,都無乜心機睇咁...
其實係咪都好難想像造出黎係點.....?!
今日放工諗住去灣仔睇石材同廁、房門....又要開始出動~~
P.S.我老公話...我地咁得閒o係度傾計...
我話..我地善用office hours做自己野o者~~haha.....
嘩...咁真係好好彩呀~~
回覆刪除好呀....橫掂都係行,睇埋都好....嘻~
真係會有人俾錢買sample嗎?...我唔會囉...哈哈
果時揀磚都係o家,睇一塊,都好難想像砌哂之後點.
希望我都好似你咁好彩啦...haha
哦...icc..
回覆刪除即係好似造廚櫃度呎費咁~~
咁如果我地櫃身用夾板 西德板/防火板面、櫃門吸塑板,
又唔知得唔得既呢...?
icc...真係問清楚先得.
回覆刪除尋日去左灣仔喇,不過好多舖都未開,
有d初十,有d話2/14先開呢....所以都無睇到d咩....
又要搵時間去過了.
[版主回覆02/11/2011 10:21:00]係喎...都唔記得左仲係新年添~
咁你D磚揀到未呀??你暫時好似最趕住用係磚呢!
廳房、廚房既地磚新年前睇o岩,所以已經訂左,
回覆刪除廚房同廁所牆磚都有心水,但都會再睇吓,然後先落實.
你廁所地磚係咩色..?我地諗住用黑色,但諗諗吓又驚黑得濟,頭痕~
裝修其實最怕係揀料...選擇困難症!!哈哈~
後日都諗住落旺角行多個round,希望多d舖頭開啦.
你呢..?新年後會忙咩...?
[版主回覆02/11/2011 11:00:00]我新年後暫時間屋無咩特別忙,因為仲等緊D批文水電做野...
廁所呢..我地下都係用黑色磚,牆就係淺灰啡色...
呢幅相都好暗吓,希望大約望到啦!
二樓廁所地磚好似同牆磚係差唔多款...
三樓地磚就用木紋磚,都一樣幾靚咁~
唔會太暗,都係睇個感覺~都ok bor~
回覆刪除你幅牆個pattern好靚喔....感覺好舒服~~
我成日驚幅牆寡得濟,你呢幅就very nice喇,
不過我老公就想簡單d,就咁砌番幅牆就算lu.
我地都係揀米米地淺色既牆身,同你感覺應該都差唔多...
你個廁櫃係咪離地的..?最初諗住叫裝修師傅做埋廚,廁櫃,
佢有講過做離地櫃,而家我地搵美廚做埋廁櫃,
好似唔係離地的..
[版主回覆02/11/2011 16:17:00]D磚有pattern係因為訂的地方有埋設計...都個則師要求既款式咁啦!不過原先合約包既價錢唔夠,要補錢 (感恩唔係補得多!)
我地個廁櫃係離地架,咁樣睇落好似個廁所無咁細,空間感好D,同埋第日如果洗廁所,成桶水倒晒落地都唔怕整濕喇!!你去美廚問問啦!呢家好多人既廁櫃都做離地架,我諗佢地都有最開既!
情人節快樂!! 祝 甜甜蜜蜜,開開心心~~
回覆刪除尋日雖然唔夠時間睇房、廁門,雲石舖又係好多未開,
但都好叻,Order哂全屋磚,16號就送貨,我諗好快會有野睇,
不過無諗過屋仔細細,買磚都買左3萬蚊.
仲訂埋sofa添呀!
新年後都未搵到美廚,我諗佢今日開市喇卦.
睇你平時send俾我睇d相,覺得你屋企好舒服,
好希望我屋企都可以好似你咁,咁滿意啦~
P.S.每樣野都over buget,睇黎埋單都幾大件事~~
[版主回覆02/14/2011 10:07:00]嘩!!!好有效率喎...咁快定好磚!
係咪因為港幣貶值,所以買磚貴左咁多呢??好期待睇你間屋鋪左磚後既樣呀!!!
咦?!原來你仲未聯絡到美廚,不過我諗今日開喇掛??都已經初十啦!希望你可以壓到佢地價,慳返D!!
係呀,好多時樣樣都out budget架...尤其是睇電器,本身預左一千...見到千一既幾好,就想要千一...但再比一比千二又好似好D喎...咁又揀左千二....最後又over左...要加油格價呀!
係呀....其實反而CF吹番我地,話最好星期三入到磚,
回覆刪除所以尋日拿拿聲定埋囉,真係唔到deadline都唔會定實,
因為會左諗右諗,想睇會唔會有仲靚d~~
買磚,同你講既電器理論一樣,就係咁over哂~哈哈
再搵唔到美廚d人,我會以為佢執左笠囉~
千其唔好呀大佬!!
會呀...到時有野睇,放相上黎俾你睇丫...
前日其實都有番新屋,不過實質睇到既野唔多,
都係安緊窗同整左d喉位,所以睇落無乜進展.
屋企大廈好老土,唔俾人換窗既格式.
想換d 正常modern既窗都唔得~~
[版主回覆02/14/2011 11:47:00]我諗美廚唔會執既...佢地都好似有好多生意咁既.
我都聽過有D大廈係唔俾人換窗,甚至連大門都唔可以換第二款都唔得,話會響大廈外觀一致性咁啦!!咁都無法啦!!!
遲D一砌左磚,成間屋即刻唔同晒架...佢地砌磚應該好快,如果星期三砌,話唔定星期六日都有野睇喇!
大門都唔俾換...?好無自由喔~~
回覆刪除係呀..所以都好想快d睇到,開心吓都好丫,
次次去都係爛屋一間...哈哈
美廚頭先打左俾我喇,所以佢無執...哈哈
[版主回覆02/14/2011 22:53:00]我個時間屋好似爛屋咁,持續左成八個月呀...個時真係見到就辛苦...
不過你應該好快見到靚屋喇!哈哈!!!美廚D員工幾好喎,放咁多日假^^,咁你問左佢地D價錢未呀??
嘩....8個月,真係長期抗戰喔~
回覆刪除我都會繼續加油的!!
未呀...因為近排好多野做,佢打黎時,老闆又黎左,
所以無點同佢傾,主要係講左26號左右應該可以過新屋覆呎,
覆完呎,揀好料,應該要預3個星期先有櫃番.
諗住到時覆呎後,揀料時再講價,同問吓有咩送....嘻
近排一諗到有咩問題就mark低,滿腦子都係新屋d野,
傻左咁~~~
[版主回覆02/15/2011 09:36:00]咁你諗定有D咩想美廚送,諗定點講價,要加油!!
哈哈,我個時...甚至都呢都係,有時諗吓間屋有D咩未買,有D咩可以改善...未真係入伙,仲裝修時,都會諗吓由入門口到行均成間屋,如果真係住緊時,個情況係點,然後就mark低有D咩要整既.
好似電視咁,因為想掛牆,所以就同大判講左,係幅牆到做左條喉for D電線既,咁就唔會係幅牆見到有D電線fing fing吓咁喇!!
嘩...你地真係諗得好週到喎~~
回覆刪除我地都係差唔多攪到果範,就諗果範....
簡唔時又週圍諗,所以個腦都好亂....哈哈
佢提過可以送拉籃,其實都唔知佢地有咩可以送俾客,
我見d人通常都係話送拉藍,或者枱面清潔濟咁囉~
其實平d最實際,但美廚話最平都係總數平幾百蚊,
最勁都唔會超過9.5折...見d人話都企得幾硬~
[版主回覆02/15/2011 13:23:00]咁有拉籃都好呀!!轉角拉籃個D如果就咁買...可能都要過千架~
我睇人地d blog,好似話轉角位d拉藍唔係幾好用,
回覆刪除所以未必要lu,拉籃就ok囉~
大門果日都未睇o岩,我地裝修包焗漆門,
CF俾左本書我地睇,但睇得唔清楚.
但實物我地見有d叫森美門,d紋好深,好怪的,
但都有我地本書既紋,好驚會咁深.....
CF話要兩星期先有貨,都係咁問我地揀好未...
但又仲未有時間再去睇~新年又好多舖未開喎.
平日都要搵時間蛇去再睇吓先得~
你地用左咩門..?
[版主回覆02/16/2011 10:19:00]大門我地用鋁門...唔...呢個係個則師既設計....
房門就普通木門...不過我都唔知係咩種類,因為我地所有門都係好簡單...全白,沒有花紋.
我在網看過有幾個人用薰衣草色的門,效果好像不錯...或者你到旺角的門公司看看.
我大判都話轉角拉籃唔好用...不過我呢家個廚櫃轉角位,就好難用到,所以我將D唔會成日用既東東塞入去.不過大判話,其實可以買D可以轉既盆/架,咁樣會方便D,不過我未買...遲D買個試吓先!
有設計師真係好,乜都幫你地諗好哂...搵設計師貴嗎..?
回覆刪除我地都係想簡簡單單既白色門,但都唔易揀...
尋日自己早收工,走左去旺角睇門d sample,
都係無idea,我都唔係好高要求,唔想d紋咁粗"慳".
但間間都copy,所以都係差唔多.
我轉角位有煤氣錶位,所以都未必做到轉盤,;
好丫,廚房始終都係我地既地盤,所以整好哂d野,
用落後,都會再加番d配件~~諗起都開心!!
尋日d磚送左上屋企喇,今日會開始舖...期待~
[版主回覆02/17/2011 09:44:00]我都唔知設計費幾錢~因為呢家幫我地設計既則師,係大學時D tutor嚟,佢早係我地讀大學時,就話如果第日起村屋就搵佢.
佢話係香港好難有一D屋俾佢地玩設計(因為D樓都要用盡面積去賺錢!),咁佢話唔會收我地設計費...我地都無諗過,佢地連室內都設計埋....所以都好感恩.
唔...應該就咁淨色既木門唔難搵架...你試吓直接問個師傅/門公司...因為我娘家D房門都係白色淨色,都係個時裝修師傅幫我地搵既...你試吓同你個師傅講講你地既要求,佢可能會搵到架!!
係呀!!廚房D野點放真係好考功夫,未到用個刻都唔知點樣係最好...我教會有個弟兄就好搞笑,佢前幾個月裝修,咁就買定D架俾師傅鑽窿掛牆...點知...到用時,先發現自己初初諗既掛架高度唔好,搞到個"針板"只攝到一半,唔三唔四咁...所以佢個時同我講,廚房廁所個D掛架,到真係用落先再裝.
哦....等我下次有機會試吓先~
回覆刪除我cf唔包坐廁同面盤,
我係去旺角時睇到的,
Roca連體就$3300;唔連就$2200.
咁其實係咪即係太貴?
[版主回覆02/19/2011 00:54:00]如果有牌子就要貴D,因為我係元朗睇個D都係無牌子,所以就真係平好多...你地睇吓係咪真係要有牌子先,如果一定要,你就在係元朗格下價,如果唔一定要有牌子,一千蚊內實有架!
哈哈~~~
回覆刪除原來你都會咁諗~
give me five~~~hahaha~
[版主回覆02/22/2011 16:51:00]哈哈哈!!我俾夠十你!!哈哈哈!!!
你好呀, 我睇中左金章呢個1000轉model, 你覺得好唔好用呀? 我見LG有個同類model, d功能差不多, 但平成2千蚊, sales仲話LG用直驅式motor會比金章靜. 但我又覺得金章多人話好喎, 又係大牌子. 好苦惱呀.........
回覆刪除[版主回覆10/29/2011 03:26:25]sorry呀!!我到呢家都未用過部洗衣機XP
因為我間屋仲未整好,起碼要到十二月先用,同埋...我最後唔係買呢部呀!我買左electrolux,因為有埋time management.
我本來都係買金章,但係問過電器舖,金章唔再出有time management既型號,如果要就要轉買electrolux(依萊克斯),其實佢地兩個牌子係一樣,好似大約20年前electrolux就吞併左金章,只不過金章個brand出名D,所以佢地繼續沿用個名,但兩個牌子同係同一個廠出.
LG好唔好,我真係唔知...因為洗衣機我覺得買歐洲造會耐用D(我媽咪屋企用惠而蒲...勁差,成日壞><).不過我都有blog友話西門子唔錯,都唔少人用,你可以比較吓金章,electrolux同西門子既評語,金章同electrolux其實主要係睇你想要D咩function咁啦!!希望幫到你啦^^