My Lovely Home の 期待又煩人的video door phone

終於…終於追趕返噚日的進度...前日實在做左幾多野,所以好似寫極都寫唔完咁!

 

嘩!!!好煩啦!

呢幾日咁頻撲,全因為我們家屋仔已開始進入要confirm E/M layout, kitchen cabinet design咁.所以,一下子有唔同的物品需要落實.噚晚Check 上進e-mail,發現A小姐已回覆我們有什麼東東要confirm型號or size.而當中要今個星期就confirm到,就係Video door phone喇!!!點算??!

 

點煩法呀!

首先,我煩惱緊個door phone可以接駁到D咩電子鎖,其次,當我認真再思考時,發現...如果我將monitor放係三樓,咁地下咪無聲,咁客人按門鈴,我係地下咪反而聽唔到??!於是,又想知呢個system可唔可以接駁普通門鈴.

 

其實,我呢幾日都有keep住問唔且公司,有無貨呀,價錢呀,接駁電子鎖等等的事情.情況如下:

1.  係前日放工後,親身及致電PCL,看中了SHT3005,原來售價都係$3500(心諗:咁出面其他公司咪平好多囉...因為D電子鎖,價錢可以相差千幾二千蚊),再望望,咦!佢地SHT3207賣$5900,出面舖賣$3500,嘩!!咁SHT3005,出面應該賣二千零蚊!!!再細問佢地職員,可唔可以駁到普通門鈴,答案係唔可以,如果有需要,就買多個monitor啦! 同時,PCL的職員話我知,原來SHT3005已無存貨,要訂都唔知幾時有.

 

2.  噚日下午,再收到其中一間公司(A公司)回覆的電郵,嘩!!!!!SHT3105,佢要成$3660.咩話??!額外加多個monitor都要$2680.咁再覆佢,問SHT3005同SHT3207的價錢.希望會平D啦!

 

3.  噚日放工後見要咁急回,六點幾即刻打電話俾唔同公司,問個清楚明白,情況如下:

 

A公司:SHT3005同3207唔清楚價錢,要明天先覆到.問佢discount有無,佢話好少=.=,至於可唔可以接駁唔同型號的電子鎖,佢都要第二日先覆到.於是收線.心想,如果$3660,咁我仲乜要係度買,我返番PCL都得啦!差個二百零蚊咋,感覺保障多D.

 

再致電PCL旺角舖(因為係佢覆e-mail啦),問清楚後知道,原來佢地已經半年訂唔到SHT3005,好似話D咩模出問題.所以佢地都唔知幾時有貨返.下??咁我仲驚,D模有問題,咁A公司訂返黎個d會係點架???!

 

如斯情況下,小嘉真係有一個...都係唔裝的打算!

 

欲知後事如何,請待下篇細講!