星期五那天,放工後上了968返元朗學樂理,已經停左一個星期無學,正常打算小休一陣,訓下先的時候,細妺打電話黎俾我,問我係邊,我就話返緊元朗囉!細妹好緊張咁話珍妮跌親…又唔知咩輕鐵咁…當然個心真係離一離,以為俾輕鐵撞跌…
原來係咁…
原來,珍妮覆診完,一離開醫院就見到有輕鐵,於是佢就飛奔去追,但係個地下係好”鞋”個D水泥地,點知佢對鞋啜實在個地下,於是乎個人就係咁向前衝喇!個時珍妮話佢唔知點解個心諗住:死喇死喇!知道今次會跌得好應,但係佢對手又唔識得去按住地面,結果佢就用佢左邊面黎落地,成塊左邊面超級勁損…佢就貪快得慢,打個白鴿轉返番去急症室!
我即刻問細妹跌得勁唔勁,個頭有無事咁啦!我細妹就開始claim down返,就話係損得好厲害,不過就應該無乜野,我珍妮原先覆診D藥打算星期一先去拎(因為要等成個幾鐘!!),佢係急症登記完仲走去拎埋D藥…所以,應該無咩問題.
返到元朗…
小嘉返到元朗打算嘟八達通搭西鐵時,另外兩個細妹打黎問我係邊,佢地叫我都係唔使去醫院,因為我爸爸會載佢地返屋企,架車唔夠位,於是小嘉就返屋企先啦!!!
一見面!!!
終於由下午五點幾六點,等到夜晚九點幾,珍妮佢地買埋飯返黎喇!佢地按完門鍾,我一打開門,個刻真係忍唔住爆笑左幾下(當然係知無大礙先可以咁輕鬆啦!!),我珍妮個左邊面真係跌得好勁,額頭同權骨位都腫晒,鼻膊頭同膝頭哥都損晒,佢個樣真係好似俾人家暴完,我忍唔住同佢講,你行出街D人實以為你俾老公打,佢都即刻忍唔住笑…
開生日會??!
本身星期五個晚同豬咪預祝生日(佢4/5生日的),但珍妮跌到咁唔知仲開唔開,不過問左佢,佢話無野可以照開,於是我地就好似往常咁切蛋糕同影相,珍妮唔想佢個樣出鐘,超搞笑咁拎住把鮮紫色的扇,全程好似人地跳舞咁遮住半邊影相,於是我地個個為左令幅相無咁怪異,於是我地個個用汔水呀,薯片呀等等遮住半塊面,一齊影相喇!!!
沒有留言:
張貼留言