婚禮第三章の我們的婚照@Kyoto shot Day 6

去到最後一日影相之旅喇!!!!我地呢日搭返JR去大阪,因為拍攝的最後一日景點係大阪城…其實影左咁多日已經好累,所以呢日都唔係影左好耐咋!

首先,我地去左間hotel check in,然後就坐JR去大阪城公園…呢日我著返套婚紗,帶埋頭紗影,當然又係一路影一路好多人望啦!!!

講真,大阪城隨左個城之外,唔太多特別地方影,係途中經過一個類似櫻花林的地方叫特別D…可能之前係京都太多超靚的景點,所以要求高左啦!!!

不過,最後小嘉都揀左係大阪城外影的一幅相做油畫…超大幅,呢家每晚訓前實望到佢…

而日本拍攝之旅亦係度告一段落,當然我地有留多一個全日周圍玩,當係慰勞自己,yarei, terry同上進啦!!! 

   

係小嘉妝扮緊時,上進又影左好多幅單人照...呢個森林D樹好得意...

 

          

其實呢度有少少似樹林架!

 

   

離開京都時...個邊D花都開始凋謝..但大阪呢邊都仲好靚!

 

           

貌似桃花林的櫻花林...幅相又好似俾我搞到怪怪地咁=.=

 

   

呢幅好鍾意呀!!!

 

  

整古做怪二人組!

 

               

又係上進好似好型的相...不過,幅相俾我resize到D quality差左好多...好黑呀!

 

            

影緊呢幾幅相時...好多人睇住...不過呢幾日都係咁,所以都慣左喇!

 

            

見下正常顏色下的大阪城先!

 

   

小嘉好鍾意呢幅...個顏色同個景好正...個頭紗又俾風吹到飄飄下咁...正!

 

            

大阪城下最完滿結束辛苦旅程喇!!!

婚禮第三章の我們的婚照@Kyoto shot Day 5 II

由於件和服實在扎得太實,小嘉全程都無晒胃口,捱左成日,到左黃昏三四點,因為飲左D抹茶,落唔到個胃度,差D嘔返出黎=.=

我地原先還衫時間係6點鐘,所以我地成日都主要係清水寺附近影,好在係著和服,如果唔係,我諗清水寺入面唔會俾我地影相,而且由於去個日係星期日,超多遊客,我有一部分時間俾返而變成佈景版,俾D遊客捉住影相…啞晒.(最恐怖係俾一團內地團同一團歐洲團的人圍住…起碼停左幾個字係度做佈景版…)

當6點左右,我們回到染匠打算還衫,點知老闆娘拎左一件外套出黎俾上進,原來因為早上太熱,唔適合著件外套,所以老闆娘待黃昏時,拎出黎俾上進著,仲叫我地七點先返黎都OK...於是,呢日係我地咁多日裡面影得最長時間同最多相的一日!

還完衫,老闆娘帶左我地去一間懷石料理店食晚餐…不過講真…我覺得唔係太好味啦!

    

又一幅上進好似好型咁既相!

 

   

我地係清水寺周圍行,點知行左去一個無咩人的地方,發現呢度,係度影左幾幅相..點知...突然有宅急便到...後面對門無啦啦打開...原來入面係廟黎架...個刻感覺好怪!

 

            

呢度好靚架...D櫻花瓣跌晒落個湖到...不過影呢幅相時,有成三十幾個歐洲人影埋我地...所以見到我地個樣幾尷尬=.=

 

    

好鍾意呢幅...其他人都好似好趕時間咁,我地就企定定係度...

 

    

行過人地舖頭,靜靜雞係門口影!!!

 

             

哈哈!!睇下我左手邊個女仔...好恐怖架!!!!

 

             

呢個頭飾..係和服店到俾埋我地用架!!!

 

   

影呢幅時好好笑...我地都唔知仲乜架...總知就係叫我地行行下,咁就影左....好好好鍾意呢幅...成個感覺好正呀!!!

 

   

呢幅的出現...係因為見到有張一樣的poster...於是就扮人地影喇!!!

 

   

好colorful...其實佢好似一個車仔檔放滿呢D公仔..

 

            

其實我地周圍行,見到有D民居幾特別就會停低影返幾張...呢間屋好有懷舊feel架!!!

 

   

呢度個感覺好特別...好有戰後重遇的感覺=.=

 

   

影到個人傻傻下時,做返D得意動作cheer up返先!!!

 

            

搞鬼的向左走向右走...

 

   

影呢幅時有少少危險架!!因為我地企正馬路中心(雖然無咩車)...

 

 

            

呢幅相係好搞笑...當我地還衫俾老闆娘時,佢地無啦啦抬個道具佈景出黎,於是就影左呢幅咁有日本風的相喇!!!

婚禮第三章の我們的婚照@Kyoto shot Day 5 I

話咁快,我們日本婚紗照拍攝之旅去到重頭戲…和服喇!

小嘉係出發前一早就係網上面搵過唔同的店,看看那裡有得租和服,但看見多數都show做妓藝的樣咁…點知俾小嘉搵到染匠呢間舖,因為有個好似台灣的女仔同個老闆娘熟,所以有translate左部分的網頁做中文,於是,小嘉就係網上面booking喇!!佢地最早可以9點幾就開始換衫,但無諗過,我早成兩個月book,都book唔到最早個位,要等到十點左右先得!

我地搭巴士去到清水道落車,睇住個地圖,行黎行去都搵唔到間舖,最後,有個好好的日本人帶我地去到間舖外面.入到舖,上一個客人仲著緊,所以我地都等左一陣…到我地時,老闆娘用身體語言講俾我地知,原來上一個客人今日係訂婚,所以去佢地到租和服,而老闆娘知道我地影婚照,所以俾左一套紅色振抽俾我著喇!

著和服的確係一件辛苦的事,小嘉一著完都忍唔住講,如果打仗,著呢件衫實死…行又唔行得快,裡面又塞左好多衫同布做到服貼的感覺…我返到民宿發現,成個身生晒熱痱呀!!!

不過套衫真係好靚,沿途好多日本人就黎同我嘰哩呱啦…後尾原來我著套衫係真係D新娘結婚時著,所以D日本人(尤其是婆婆們)個個都走黎恭喜我地!

   

用左成個鐘先著好套和服...終於可以出發喇!!!

 

             

呢幅上進成日都覺得好型好靚...一定要擺出黎!!

 

   

很喜歡這些自然的相...影了也不知道呢!

 

             

離開染匠...慢慢行去清水寺喇!!!

 

             

一路去清水寺的途中,都會見到唔同的風景...都可以影到好靚的相架!

 

    

行左長長的奪命斜路,小嘉終於黎到清水寺的門口喇!!!

 

            

好似武士同公主影相呀!!!!

 

            

看看和服的後面...是真的用一條長長的帶去綁起的...不是一個假的cushion扮架!!

 

            

呢幅相,令我諗起一D 旅遊poster呀!!

 

    

很色彩斑爛的布呀!!!

 

    

轉個身再影過!

            

清水寺內必到景點...大舞台喇!!!

 

            

在清水寺內的地主神社...入面好多人,不過無咩特別野睇咁囉!

 

            

這些相,真的好有五六十年代feel!!!

             

和服店的老闆借了兩把傘給我們...這把是lace哦!!

婚禮第三章の我們的婚照@Kyoto shot Day 4

去到第四日,我們的目的地就係嵐山同鐵路遺跡喇!!首先一早我地係京都JR搭山陰線,去到嵯峨站落車,因為呢日係周末,所以都有好多人呀!

不過,原來行去嵐山都要好一段時間,終於我們去到傳說中的竹林喇!!小嘉其中一個原因想黎嵐山就係呢個竹林,真係好有竹林深處人家的感覺哦!!!

今次嵐山就真係郊野公園喇!但我諗如果我地早一星期黎,個景會差好遠,因為大D樹已經好少櫻花喇,係一D介紹書見到滿山遍野都係粉紅色的櫻花,不過…都影到好幾幅好滿意的靚相…不過呢日真係可以用人山人海黎形容…人頭多到爆!

去完嵐山,見到仲有時間,於是再搭車到鐵路遺跡到影相喇!呢度都一樣超多人,所以比較難影,不過…遇到好搞笑的情況…終於解開點解日日都咁多日本人拎住部相機/手機影我…有個日本婆婆忍唔住,就黎問我地係未 Big Star,呵呵…原來佢地一直以為有香港明星黎拍野呀!!!

小嘉就咁樣做左一日明星喇!!

            

yeah!!!係網上見到的竹林,真係出現眼前哦!!!

            

呢幅,我覺得兩個都好型呀!

            

真係好竹呀!!!

             

其實實幾鍾意後面約隱約現的鐘...但唔明點解係郊野公園會有一個時鐘係度囉??!

             

呢個頭飾...都係我整架!!!!!

             

其實我一D都唔重...上進個樣可以再輕鬆D就好喇!

   

係嵐山都仲有D地方有櫻花...但個度的佈局有D似武俠小說D桃花林咁,呢度一棵個度一棵咁!

            

我地行左成日山,無野食,行到山腳終於見到有間小食店,佢都幾有傳統風味架!!!每人一次波子汽水解解渴先!

            

好靚好靚的一個地方...如果早一星期到,我地就會見到滿山的櫻花喇!!

   

呢個係一條水管...入到去諗起多啦A夢同大雄成日去個公園呀!!!

            

上進就至鍾意呢D好似好有型的相...

   

影呢幅相...發現...原來上進唔識得咩叫彎腰...搞到我拗極都拗唔到個身係佢度>.<

   

一幅好有感覺的相!