進度進度…進度!!!
噚日嘉爸都有去睇個進度,再加埋宇爸的報告,呢家都係做緊圍木板的工程.
第一…
咁嘉爸睇完後,都話個地基好靚,由四邊望都好好,只係可能D水泥收縮的關係,所以係中間水泥面的地方,有少少裂紋,不過粗度大約係D貓毛咁粗到…所以,應該問題不大!!
第二…
嘉爸話,我地樓梯個邊有個柱位,咁木板師傅話咁樣上去,個大門得返2尺多D,於是宇爸同木板師傅就不停話有問題…個師傅話佢起左三十幾年呢D樓,都未見過咁樣云云.
小嘉立刻問嘉爸,宇爸係未同D師傅嘈,咁嘉爸話又唔係,不過係木板師傅同宇爸同聲同氣咁.不過嘉爸都話好似好窄咁喎,不過佢都話,唔知B君佢地點安排同設計,所以都唔可以話錯定對先!
小嘉就同嘉爸講返,之前小嘉弟P弟起屋仔的時候,佢地正門都一樣有好多鋼筋(小嘉特登睇返D相黎對比),其實當再落第二層水泥時,呢D多出黎的鋼筋會剪走,所以P弟間屋對門呢家個Size就match返個則.
而上進睇過,我們家的大門應該有 一米 多闊,所以,我估那些柱是用來支撐底層的地基,並唔係真係面條會係地面會見到的!
另外…
上進問過宇媽,話噚日圍木板的工人話有個地方圍唔到,原因係應該之前倒水泥時,T師傅的工人控製架剷泥車時,撞歪左一條鋼筋,所以圍唔到木板,之後宇媽話叫到T師傅同其他工人係度討論…呢個我就真係唔知佢地點樣修正返…不過,我諗唔會太大問題掛??!
小嘉’s Reminder
返去時睇下條鋼筋撞成點…修正左未!
記錄...
真正有工人工作天數...第十一天!!!
沒有留言:
張貼留言