本來小嘉已決定洗衣機是金章的ZSW5108,但有blog友話西門子都有很多人用,所以小嘉又再去研究研究喇!
看過西門子的,外形又真係幾靚,不過可惜始終都係東南亞造,感覺好似無咁好,而如果要西班牙造的話,係Fortress要成上萬蚊一部個D機先有!!!
但係呢個再尋找之旅,小嘉發現有埋LCD的monitor係部機度好似正好多喎,於是又再搵搵搵,最後,我地都確定要金章的ZWF9570W呢個洗衣乾衣機喇!因為佢差不多有齊所有功能,又有time manager function,價錢又唔係差好多,所以就選定佢喇!
係星期日,小嘉同上進行開街,順道上上Fortress度,想睇下有無架機個實物望望,點知個sales(本身都係金章的sales)竟然話我地知,金章無再出呢個型號,如果想要有time manager的function,就要買electrolux即係伊萊克斯喇!
原來早係80年代,伊萊克斯已經收購左金章個brand,而一直以來,金章的機都係伊萊克斯的廠出,所以基本上所有quality同function都可以話係一樣…小嘉好煩惱呀!!
係網上都search過用家對electrolux的評價,so far都係正面,不過D人話其實金章同electrolux係一樣,但electrolux會比金章貴D.
小嘉左度又度,最後睇中electrolux的EWS10470W呢部機.佢基本上同金章機都一樣,而外桶同底盤都係炭纖維(呢個金章就唔係部部都有喇!),部機又只係45cm深,洗衣程序得14個,又有絲質衣物程序…所以都OK架!不過佢就無乾衣功能,但我地都唔用,所以都無所謂啦!!!係fortress網上面呢部機賣$6298,係一間網上店就賣$5320,所以我都係預佢五千左右啦!希望到買既時候又唔好話唔再出產啦!!!
呢部就係EWS10470W,其實個外形同金章差不多一模一樣!
我屋企用惠而蒲呀,都好ok 呀!!
回覆刪除[版主回覆05/19/2010 12:49:00]我都聽過有人用惠而蒲用到十幾年,不過都有好多人話唔得...
最主要係我租個度都係惠而蒲,但真係幾嘈...一開機佢好似會郁咁,問同事同媽咪都話金章好...所以試下咁啦!!(不過都有人話金章近幾年都一般,所以都係試試...)
係呀,我屋企個部用左成8年先壞,結婚前換左部新,不過都係幾嘈,係廳都聽到佢fling fling 下d 聲
回覆刪除[版主回覆05/19/2010 14:21:00]係呀!!我就係廳都聽到部洗衣機D聲...其實最恐怖係我媽咪度...佢都係惠而蒲,唔知係未真係shot shot地,佢一開機洗衫,嘈到拆天咁,直情講野都聽唔到...不過因為媽咪有保養,所以唔換住囉!