My Lovely Home の Day 43 (11 May 2010) ... 有點灰灰的...

好鬱悶呀!!!噚日上進打返屋企,又無工人開工喇>.<

於是上進打俾地盆經理D君(即係B君公司的經理啦!!!),佢話我地個工程的圖仲有野要改,所以同A小姐傾多兩三日先得!

下???!乜唔係之前傾好晒咩???小嘉問上進,咁呢家係邊一〝樹〞的工程未傾好…上進話唔知…咁又唔問=.=”

上進係小嘉充滿凌厲的眼神下,終於硬係頭皮打俾A小姐,原來我地個工程原先係未畫好晒圖,但係B君因為見我地成日都問住,所以就開左工先,等我地有D野睇下咁!!A小姐仲講,其實B君呢家咁做,好似呢幾日無工程開,B君都一樣要俾人工T師傅…搞到我地都有D唔好意思添!!其實我估B君今次起屋收平我地好多…根本無咩錢賺,見佢用的材料再同個價錢比就知道…因為其他附近起那些,價錢同我地唔係差太遠,但係我地用的玻璃同鋼筋都超多…我估B君某程度係諗住幫A小姐同F君先收咁平,因為 平時B 君接F君的生意,都係個D幾千萬以上的…我地呢個工程…對佢黎講,真係細到唔細呀!我諗佢見F君同A小姐話拎我們家屋仔去比賽,所以無咩錢賺都接黎做啦!正常情況,我諗無可能係呢個價錢囉!

講返個情況,其實A小姐話快則今個星期尾,最遲下星期頭就會開返工,咁今次一開工,就真係直落到三層的外形都起好喇!接住就會做interior的裝修,A小姐話佢呢家每個星期有兩個半晝 都同B 君傾我地屋企,真係辛苦晒…佢地免費幫我地設計,仲要咁勞心勞力,就係唔好意思喇!!B君已經俾左water pipes的routing俾A小姐睇,但係A小姐話唔係幾滿意,所以仲努力緊去amend,希望佢地個design可以順利咁接住個工程,可以唔使起完個外形又要等一段時間先可以裝修啦!!

不過,感恩係A小姐話間屋仔一定可以係十月尾完成…小嘉期望可以係十一月中之前入伙啦!!!

 

小嘉’s reminder:

而家個工程又要停一停,所以要留要幾時復工,估計復工的二至第三天就會平水泥,所以到時要拎假…要留意留意!