結婚照呢個真係一個超級無敵大題目,相信好多結婚的人都會超緊張結婚相影成點,尤其是影一輯都唔平,隨時要上萬蚊.
其實係未正式準備結婚時,小嘉係個腦海中已想好,將來如果去D乜乜物物的婚照公司時,一定要叫埋細妹yarei一齊去,因為佢實在係幫忙減少亂使錢能手,無論D sales點講,佢覺得唔靚就唔要,所以佢D朋友仔,次次揀相都搵佢一齊去,唔使揀埋D唔係想要的相,浪費金錢!
又要講返08年3月時去的婚紗展,當時小嘉都有行下同的婚紗公司,睇下佢地的相簿,但係發展黎黎去去都好似係個D景,而D相都好似有條公式咁,去到呢個景就要擺呢個pose,角度都係一式一樣,感覺好悶,同埋心諗,D朋友黎睇到之後都唔記得,因為個個新人show出黎D相都一樣,係兩個頭唔同左…
其實都有好多人會去台灣同深圳影,都有D係影得靚,但係要撞到間公司,而佢地個攝影師又影得好就好難,實在係網上見到唔少的台灣/深圳的相,俾我的感覺係好娘,可能係佢地化妝同髮型問題,又可能係D衫的…總之,我睇過都係得兩三個朋友影得好…所以唔打算去呢個地方影喇!
當我係婚紗展再行時,發現有D係去外國影喎,而其中一間叫T.I的公司,佢地係日本影D相都OK喎(不過有部份都係麻麻地…),小嘉同上進就好有興趣,於是好詳細咁問晒所有野,我地可以自己揀地點,影一日,大約要二萬幾三萬咁啦!但係到時揀相肯定要加好多$,因為佢包幾十張咋…不過我地真係好有興趣囉,係呢個時候,小嘉心裡忽發奇想…
我最近都係到諗, 如果係而家結婚, 我會擇去日本影婚照啊.....
回覆刪除但係我自己的台灣婚照, 我就好滿意了.
[版主回覆05/20/2010 19:05:00]其實都有見過台灣影的好ok,好型,不過又見過有d親戚影得麻麻地,所以就無揀去台灣d攝影公司喇!