星期六…
星期六十一點左右,部珍妮去賽馬會到洗傷口,印像中hoi ling都好似係個度做,個心係度諗會唔會見到佢呢??但登記時見到號碼係107,但係叫緊的號碼係5X,我問珍妮去容鳳書會唔會快D,但係佢話之前做完隻手的手術,係賽馬會度洗傷口,覺得個姑娘好好,會細心D同埋講佢知要點樣小心處理,所以佢都想係返度洗傷口(後來先知,原來PHL全個元朗得賽馬會開!!!)等左一陣,上進都黎左睇下珍媽跌成點,上進一見到佢個樣,都忍唔住笑左一下話:嘩!乜原來真係跌到咁傷…,
終於到珍妮喇!
於是我地一齊等呀等,終於等左個幾鐘輪到珍妮,珍妮係入面洗左好耐,出黎時佢好開心,猛咁話個姑娘同佢貼左D好貴的敷料,呢隻敷料好好,佢會moisturize 個傷口,所以個傷口好返都會靚D,不過有D人會對呢種敷料敏感,如果珍妮無敏感情況,星期一先要再返去洗傷口喇!!
陪完珍妮洗傷口,爸爸載佢返屋企,而小嘉就同上進返去睇下間屋仔呢家搞成點喇!!!咁係上進屋企,小嘉上FB同hoi ling傾下,話去過賽馬會,不過見唔到佢,估佢應該放假啦!!!
食完晚飯回家喇!!
因為上進星期日要overnigt on call,所以小嘉回珍妮到喇!返到去見到佢敷料D位不停出水,都出得幾誇張,於是打俾上進,問係咪正常,不過上進都叫我地星期日去多次洗傷口,點知小嘉上FB時見到hoi ling覆我話原來佢真係放假,而星期日佢會返工,於是小嘉就同佢講珍妮的情況喇!!!
好感恩…天父的帶領!
小嘉真係好感恩,因為天父讓我認識一班基督徒姊妹,當有任何煩惱時,大家都互相開解,而今次我都一樣,感恩識到hoi ling呢!!佢後尾打電話俾我,話我知原來珍妮用那種敷料係會大水,再加上個傷口仲新,會有分泌物,所以就會更加多水出黎喇!!同hoi ling傾完後,決定星期日一早去賽馬會登記洗傷口喇!
沒有留言:
張貼留言