婚禮第三章の我們的婚照@Kyoto shot Day 3 I

進入第三日,我們一行四人早早的起身,裝扮好一切後,就向奈良公園出發喇!!!

我地去到京都的JR站,去到奈良落車,跟住就搭巴士去奈良公園喇!落車的時候,可能還早的關係(其實都九點幾十點啦!),公園無咩人,超正,可以自由自在的影相…奈良公園真係好靚呀!好有郊野公園feel…見到樹上的櫻花已經變成凋謝了,但風一吹,好多好多枯乾的花瓣飄落,好有氣氛呀!!!

不過一路影一路要步步為營,因為…超多鹿便便係地下,我地有D坐係度影的相,都鋪好野先坐係度影!!!

其實奈良公園好大好大…我們影完一個比較郊野feel D的地方後,就開始去第二個方向進發…

係途中,我地會經過有名的春日大社…上網D資料話呢度都係一個賞櫻的好地點,於是我地係春日大社表參道沿途影相,係一D石燈籠走黎走去…D相的feeling超cool同好特別…但係…影影下…有個類似主持的人物出黎,話唔可以係春日大社度影相…感恩,小嘉都唔係好想入去影,於是我地就離開…我地繼續向另一面奈良公園出發!

            

因為小嘉每次去到現場都要補妝同帶頭飾,所以上進的單人照比小嘉多好多...佢成日都影呢D好似好型既相...開心C佢啦!!!

 

            

好鍾意呢D好型的相...第日好唔好晒幾幅大相放係屋企呢??

 

   

影呢時,其實有超多花瓣落下,不過...小嘉天生瞳孔俾人大,所以對光好敏感,我對眼好辛苦先開到咁大咋...

 

   

因為無乜人,所以都影得輕鬆D囉!!!

 

   

好靚的花海...如果香港都有咁靚既景點就好喇!!

 

           

好鍾意呢D咁有活力的相...不過其實呢度係幾斜架,所以都要小心咁著返對波鞋先跳囉!

 

           

因為D櫻花開始謝喇!所以D花的形態同顏色都同之前個日既唔同...

 

    

睇棵樹就知呢邊個公園D櫻花都凋謝了!

 

             

上進成個樣都好似去探險咁!

 

    

呢度個感覺好似好陰暗...但係又出黎個效果好得意,唔覺得恐怖喎!!所以都好喜歡呢幅相!!!