星期六這天,因為下午都比較忙,所以大約十二點左右,嘉爸就載了小嘉回去看看地盆.去到的時候,已見到地盆已經回泥了,泥上面都鋪了一塊膠,就像平時的行人路,臨落水泥前會鋪的黑色膠一樣.
小嘉本身打算星期一下午要拎半天假,好回來看看落水泥的,但是,這朝早,圍木板的師傅竟然話下午就會落水泥??!但還未鋪鋼筋喎!!木板師傅話一個多小時就可以鋪好啦!小嘉約了上進同hoiling及李公子一齊lunch,所以留左一個多小時就走喇!途中,嘉爸都話係呢家黎講,個地基都係做得好好,所以都OK啦!
由於小嘉下午要返教會,所以上進就負責睇住落水泥的工作,小嘉要等到夜晚八點九先回到上進家,聽佢講其實落水泥的過程都OK,師傅們都落力…而宇媽就話今次有我地係度,所以D師傅都落力好多.(呢個我覺得所有地盆都係咁,無人睇時梗係做好就算,但如果有人昅住,就點都要出多幾分力啦!!!)
因為太多相的原因…小嘉分開三篇黎介紹啦!
呢個係倒水泥前的樣子...
係倒水泥前,要先造好去水的喉管!
因為水泥車係入唔到地盆入面,所以要用呢個斗載D水泥入去喇!!
開始倒喇!!首先係由屋的右上角開始!
倒左水泥,師傅們就努力咁推呀推...推到D水泥可以落入D鋼筋入面...
跟住點呢??!
你就好啦.....頸都長啦~
回覆刪除而家室內只舖左地磚...窗框和窗邊d 麻石....廚和廁d 牆身和水盆d 麻石......
馬桶和洗手盆....過年前已經送左離....因為泥水師傅話要洗手盆尺寸做石屎台....所以禁早買.....但安裝馬桶師傅話...一日唔清拆棚架...一日都唔會安馬桶....怕其他人整爛喎 !
[版主回覆05/23/2010 00:19:00]的確好煩...A師傅做野又會影響B師傅,我個邊就係類似咁,D師傅溝通差少少...不過同左承辦商講,情況應該會改善... 我屋企第日裝修會係第二批人,唔知佢地點,不過噚日佢地都有黎同個地盆經理傾D電制位的安排...見佢地好熟,應該OK掛?