除此之外…上進原先想將條魚轉做東星斑,貪佢紅色好睇D,但係當日另外有一位餐飲部的工作人員係度,佢話如果轉的話要成$800一條.而上進又真係想轉喎,但係呢個哥哥好好人,佢問上進想轉魚的原因,當佢知道係因為顏色的時候,佢都好老實咁講,其實東星並唔一定係紅色,佢仲有藍色同綠色,而我地結婚那天超接近冬至,我地預計要擺三十五圍,所以佢都好老實咁只可以盡力去留紅色…佢仲話,我地轉佢仲開心,因為公司會賺多D,但係佢地覺得我地無必要咁樣浪費D錢…
另外,shadow亦問我地要唔要俾生果上台,因為如果同大舞台訂會俾直接係果欄訂貴,所以如果真係放生果,佢叫我地唔需要係大舞台訂,可以自己同果欄訂完,佢地會收貨…所以,都可以見到佢地唔會為左賺多客人少少錢而叫我地亂咁轉菜式…Shadow都同我地講,其實呢家D新人都未必會擺生果,佢話如果無特別需要,慳埋呢D錢仲好!其實我地完全無諗過要放生果…所以梗係唔使買啦!!
仲有呀!因為小嘉初初超想彈琴上進唱,所以問過可唔可以借佢地個三角琴用,因為合約寫明要收$500蚊的,shadow聽到立刻問大舞台,佢地好好呀!話如果只係咁樣 一兩 首歌,可以唔使加錢就俾我地用…最後,我無彈,但我鋼琴老司就幫我地彈左Canon in D黎March in.
而係我地婚禮前個多月,shadow再約我地見面,今次就約埋所有兄弟姊妹,Shadow一一咁同佢地講返當日的程序,每個人的工作,有咩要留意,到個日有咩大事有邊個負責做決定等等…
總之,呢個wedding planner service,我俾一百零一分呀!
沒有留言:
張貼留言