真的期待已久哦!!!
等了一個月的工程,真真正正的再開工喇!!之前都有少少擔心,因為天文台都話呢個星期會落雨,而星期四又真係好大雨,所以星期四時我們家基本上都仲係無咩進度.但係星期五,上進放工返到去之後,話我知我們的地基開始紥鐵喇!!!
等到星期六...
星期五個晚,上進打電話俾B君溝通下,B君講返因為星期六係五一勞動節,係勞動假,所以唔知D工人會唔會開工(一年好似得幾日係勞動假咋!!!),所以小嘉都一早同上進講,如果無工人開工,我唔咁早入去喇!留返係屋企練琴…
星期六,因為要陪珍妮洗傷口,於是一早打電話俾上進,佢話有工人開工呀!!我相信因為工程真係落後左,所以呢家都會趕工喇!!於是,陪珍妮洗完傷口後,小嘉就同上進返去睇下喇!!
其實都係咁樣…
返去睇,見到有兩個工人係度開始工作,望下個地基,原來都已經紥左一層鐵,其實個地基做法同P弟家一樣,所以無咩特別,不過只係覺得真係自己家,所以超級期待啦!!而師傅們就繼續埋頭苦幹…而呢家P弟家仍然停工,因為要待我們家的地基完成後,一齊由地下起到天台喇!!
聽師傅們講返,佢都好無奈咁話個工程停天咁耐,所以呢家勞工假都要開工啦!!!上進仲同D師傅講辛苦晒佢地,拍爛檔做快D…點知D師傅答佢,一快的話就做得唔好喇!所以…都係按步就班啦!!!!
星期日…
星期日上進要overnight on call,小嘉一早同珍妮去洗傷口,跟住崇拜,然後參加婚禮,再之後回家裝身,最後要去尖沙咀飲…所以星期日就無返去睇…
呀!!唔記得講,星期日D師傅都有開工,星期六時師傅們已經話星期日會call齊人馬紥鐵,果然,噚日有4個師傅開工,所以噚日已經紥好晒鐵,只係等今日B君公司的工程師睇過D鐵無問題,咁星期二就可以落水泥喇!!!
小嘉記住事項:
叫上進contact A小姐,約見面傾談interior design事宜!
去好相先!
師傅們將鋼筋吊落個地基到喇!!
師傅們係圍住四面的木板寫左唔同的字...唔知有咩用呢??喇!!!
係木板同鋼筋之間,要用呢個黑色膠黎隔住,咁D水泥就可以包住D鋼筋
用黎將鋼筋同木板/水泥隔開的東東真面目...
呢D碎石,我暫時見佢出現的地方係...P弟家的金庫!
T師傅話呢個係for有人要check水泥時用...
唔同日子的水泥做成的磚...唔知點解要用水浸住!
用黎吊鋼筋到地基的索!
養蚊池的消失...就係靠呢個抽水機喇!!!
我地個地基...都真係要用好多鋼筋呢...
P弟買了一盆楓樹...將來就種係花園喇!
係咪嫁了. 想要住得無咁多人, 想住村屋呢類, 就一定要接受交通的問題.
回覆刪除好多嘢係無兩全其味的, 係咪, 最緊要係自己鐘意啫. 唔需要理會人的.
咁當然想住得方便, 交通好, 唔駛問一定係住市區及近地鐵的地方. 學你話是有得必有失. 有時朋友傾開, 呀邊個邊個住係咁遠, 好唔方便啫. 話又搭多一程小巴, 好唔化算, 時間又長咗. 其實我好想講, 呢個世界, 咩地方都有人住, 我都好想住係半山, 睇吓有幾唔方便. 又想住吓海邊, 睇吓係咪會好風濕. 我的意思係想帶出, 第一最緊要當時人鐘意. 第二我好憎啲自己無能力但又唔抵得人哋住係啲咁好的地方, 而去講啲嘢嚟抵謂人哋囉.