婚禮第二章の我們的大舞台…總結篇

小嘉盡量有系統咁總結各方面俾我的感覺,希望易明啦!

1.  環境:

Advantages:

呢個真係無得彈,無論親為朋友都讚話靚,而且佢有齊中西式兩個佈置,咁影相時想中式又得,想西式又得.而另一個大特點,當然係超高高的樓底啦!!因為佢做左個類似覆式的設計,所以好特別.

Disadvantages:

有好當然都有缺點啦.首先因為大舞台的位置唔前唔後,只有搭MTR的朋友仔先會方便D,如果要搭巴士,就要行好一段時間先得.所以可以的話,都係租多幾架旅遊巴送D親友返屋企…小家都租左三架大旅遊巴呀!

另外,因為大舞台D燈光比較暗,所以影相時就會幾考攝影師的功力,不過影出黎真係好靚!

同埋因為大舞台分左兩層,除非擺的圍數少過26席(無記錯),如果唔係就一定要擺埋樓上,因為要上上落落,所以敬酒影相等時間都會用多左,同埋,一定要放D本身玩得的朋友仔係樓上,咁個氣份就唔會咁悶喇!!!

小嘉題外話:

由於圍數真係有限,如果想擺酒真係要諗好問好有咩親為會請同會到,由於當日有一大班突然黎到的親友,所以搞到珍妮都有D手忙腳亂,幸好有一班醒目的兄弟姊妹同埋大舞台staff,所以最後都好感恩,並無咩大問題啦!

同埋相信都係偶一發生的事件,個日播即日片段時,後面的台都聽唔到聲,相信可能係音響出現問題,不過如果有足夠時間去試機,呢個問題係可以解決,但因為我地太遲,所以都試唔切喇!!

2.  服務:

呢個方面,只有advantages啦!!因為D服務真係好好,每個員工都好nice,可能都係後生仔女掛,而且佢個個都願意做多步,咁自然成個氣氛都好好.其實佢地D staff如果真心咁想做好份工,我地顧客係會感受到…所以呢服務呢方面,真係有一百分!

3.  食物:

其實當日小嘉基本上係咩都無食過,不過有留低左一盒菜俾我拎走,食落D味都好好,而問返D朋友仔,佢地個個都話OK喎!而最最厲害,係宇婆婆都讚好味,要知道婆婆佢係都係識食之人,佢讚得就唔會差,所以,食物呢關都過關喇!!!!

4.  Wedding Planner:

呢個無絕對係bonus,因為原先無諗過會有(不過如果呢家要呢個服務,好似要俾錢…),發現有個wedding planner真係好幫得手,整個晚宴的rundown佢都一清二楚,幾時播片幾時march in佢都會知道同安排,所以非常Good呀!!

Conclusion:

小嘉覺得如果有興趣去一個特別D地方擺酒,大舞台真係值得去,因為佢overall的表現真係好好,最最緊要係佢完場收尾數時,一句叫俾tips都無呀!!!如果換轉係某D酒樓,就係咁死纏要tips啦!!當然,上進最後都自動俾左Tips,因為真係好good呀!!!