感恩天父俾到智慧同時間我去計劃影相的一切安排,等我慢慢每樣野去講點安排啦!!
風景:其實我地有兩個主要風景有興趣,一係紅紅黃黃的楓葉,另一個係粉粉嫩嫩的櫻花,問過terry的意見,佢話楓葉可以執相就執到個效果,但係櫻花就做唔到,因為真係要一朵朵花生滿樣上先可以做到個效果,於是…櫻花們,給我狠狠的開哦!
地點:日本要影櫻花,其實都有好幾個地點,但係上網不斷看景點的介紹,都沒有一處特別令我有衝動要去…直到…Kyoto京都,因為呢度有好多公園,氣息比較懷舊,係一個古都,要影現代,香港都可以影啦!所以…目的地,KYOTO我們黎喇!!!
時間:小嘉睇返日本氣象局的網頁(呢個真係感恩,感謝主,唔識日文的小嘉都可以自由自在咁穿梭於日本網頁…而家諗返都唔知點解會做到??),發覺07和08年的櫻花都係4月頭至中開,但有時會早D有時會遲D,呢個真係唔可以係自己控制中…所以,就定在係4月頭去.櫻花的否開得盛放…就交託給主了!
機票:小嘉真係無諗過囉…我都早好幾個月訂機票,竟然…竟然已經爆得七七八八??!最後,小嘉只可以訂到要到台灣轉機的航班,平時飛約4個多小時到日本…今次足足七個幾鐘,去到都天黑,浪費左一日=.=
住宿:又是係另一啞晒事件,小嘉因為之前領教過佢日本比較平的hotel,都係房間超細,所以唔方便化妝換衫,所以主攻民宿,本來睇中一間,好多人讚,點知…又係爆左呀!!!係萬分沮喪之時,俾我搵到呢間民宿的姊妹店,雖然無咁近JR站,但都唔遠,而我地四個人,可以book一間房住晒!!!
和服:去得日本古都影櫻花,點都要著返套和服先應景啦!!小嘉搵左好耐,終於搵到間D衫係我鍾意既,呢間就係染匠喇!佢個老闆娘其實唔識中文,但真係超級勁nice,等遲D講日本拍攝時再詳談!
基本需要的東東都準備好(關於衫個part…遲D再寫),小嘉就努力上網看看別人的婚照,看看有什麼構圖/動作特別喜歡,就save低for reference喇!
但唔係咁就直接去日本影喇…係去之前,即係08年的12月…
沒有留言:
張貼留言