滿有感恩…天父教我們凡事應當一無掛慮
了解清楚發生咩事後,上進就致電俾B君,我們都表明其實信得過佢地(尤其是B君,佢係基督徒嘛!天父安排俾我,所以我有信心啦!!!),但我地都表明,宇爸宇媽唔清楚整個情況,只係”聽聞”或”眼見”其他入既工程,就認為有問題.雖然我地兩個覺得OK,但我地都唔知點解釋俾佢地聽,所以都問返B君情況!
疑問逐點擊破!
就宇爸宇媽的問題,逐一解答返…
1. 點解倒水泥會用咁多時間呢??
B君話,其實呢家呢一層的地基並唔係最緊要的,所以有孔都無問題,佢都講返如果其他普通的村屋,因為佢地個地基只會扎兩層鋼筋,所以佢地倒水泥會快D,但係我們家的地基,扎了四層,所以要慢慢的落,等D水泥可以慢慢咁到底(呢個時候,小嘉記得其中一個師傅講過,呢一層的水泥會係普通的水泥,因為呢層唔需要用太靚,所以要多D時間乾!);
同時間,因為呢D水泥係無咁快乾,所以分幾車同長時間落都唔會有問題;
2. 點解咁少工人??
B君都話噚日得兩三個工人做野,係佢的安排,就如上面話,呢層的地基唔係最重要,所以B君認為唔需要搵太多工人做野,B君都講返,我們家用的材料都比別人的多很多,每個工人的日薪都是$1000左右,佢都唔會話慳個幾千蚊,只係佢覺得呢個階段真係無需要用咁多人手;
3.點解第四車咁耐先黎架??
只於第四車點解會咁遲,B君講返原來係佢叫既,因為佢噚日下午四點幾都去到現場,所以佢叫水泥車等佢黎到先黎落…
解釋
上進同B君傾完後,都立刻打返電話俾宇爸宇媽,同佢地講返個情況,當然,佢地個心仍舊有D唔高興咁啦!所以,上進都同佢地,工人落水泥時,佢地不如出去行下走下,唔睇仲好啦,免得自己激氣(最重要係,自己都唔清楚是與非就激親自己先,咁樣好唔抵囉!)
仍舊少少不滿咁啦!
宇媽聽到上進話叫佢地唔好睇住個工程,佢就話無所謂啦!咁未無人睇囉,D工人亂黎都無人知囉!偷工減料都唔理喇!!
唉!我地都再提宇爸宇媽,隔離叔父家的電燈制轉用Clipsal E3000,要補成$8000-9000(就係H君起的),但係我地同B君講,仲要係兩幢樓都轉,佢話唔洗我地補錢,另外,我地要裝避雷針,B君話要$13,000一間,但係佢都好老實咁講,到差不多完工時,看看用了多少錢,如果OK,佢都話可以唔收錢幫我地做埋…咁樣的情況,你點可以仲話人地偷工減料呢!
通情達理的珍妮
小嘉都有同珍妮講個情況,佢都話有時呢D野,自己行開唔睇會好D,自己又唔識,人地做咩又唔知,佢都話最怕係一陣D師傅一個唔高興,佢要"修理"我地間屋好易架,嘉爸之前都講,點樣都好最緊要唔好得罪D師傅...事實,嘉爸都話,佢暫時唯止,佢都覺得起得唔錯,佢都覺得T師傅有責任心,都信得過!
小嘉’s Reminder
1. A小姐已回覆,佢同F君而家design緊間屋的pipe routing,之後就會Design kitchen 同toilet,再之後先會係interior design.預計今個月尾會同佢地見面傾design的事宜!
2. 已同B君講,如果黎緊有落水泥的工程,早一兩日通知上進,我/上進拎半日假返去睇住...以防兩老又有太多的不滿(小嘉都好怕單獨面對佢地,我會被疲勞轟炸死架!!!!)
3. 宇家姐已經拎左其中一個朋友的電器報價,仲有一個等緊…返去記得拎黎比較下(不過…相信會仲貴過美的家,不表樂觀!)
沒有留言:
張貼留言