婚禮第二章の我們的大舞台…那一天篇

終於到黎到婚禮那天的情況喇!其實小嘉到達大舞台時已經六點,不過去到就見到舞台已經佈置好,有D親友已經耍樂中,而因為兄弟車先到,所以Shadow就捉埋上進同D兄弟姊妹現場再brief一次個rundown,而小嘉就立刻飛奔去新娘房換裝喇!

入到新娘房…嘩!!真係又大又靚呀!!可惜無影到相,佢大到可以六七個人係入面都唔覺迫,個獨立廁所都裝修得好靚,無記錯D牆貼滿馬賽克,又有全身大鏡…好Good呀!!!

而當日有個Staff專係跟住我,佢真係好好,連之後有朋友睇返當日片段時,都可以俾D片中見佢超細心,佢見咁上下就會拎杯水俾我飲,由於我係一日內瘦左,所以第一件晚裝有條腰飾成日跌左落黎,佢會眼明手快咁幫我整好,我伴娘(即係第二個細妹)佢整極都整唔到緊返件衫,但係呢個姐姐就好熟手咁幫我搞掂…

而大舞台個環境就真係好靚好靚…唔知關唔關事,但真係有個大學floormate飲完我餐之後,都訂左今年年尾係大舞台擺酒喎!

好,大家一齊睇下大舞台D相…下篇再做總結啦!

 

    

呢個就係企係個stage上高望返去個hall度喇!!!

    

由二樓的後面望返成個大舞台...

    

係正中間就係呢個拱門喇!!個佈置係另外搵公司...遲D會講(不過我好似公司名都唔記得...要再諗返呀!!)

            

中式的地方可以for斟茶,佢上面仲有盞好靚的水晶燈添!

    

另一個角度去睇中式backdrop...

            

係大舞台,基本上唔需要點佈置,只係個platform要就得,佢每張桌都有decoration的,主家度的佈置...都好靚呀!!!

    

呢個係親友桌的佈置

    

中間扎起頭髮就係超無敵的shadow喇!!!