婚禮第三章の我們的婚照@Kyoto shot Day 2

第二日,我地主要係返京都中心地帶影,首先我地到白川河…不過…係就係見到有條河,但係…點解唔似白川河…不過都幾靚,所以都影左幾幅相..櫻花唔算多啦!!

 

點知,行返出去先知原來行錯方向,我地終於搵返白川河喇!呢度D櫻花真係超多呀!靚,滿地都係花瓣,所以係呢度一路行一路影都影左好多相.

 

之後我地轉戰去円山公園,呢度有好多好多遊客,我地一路影就一路好多日本的市民拎住佢地既手機影埋一份,睇佢地既表情,我相信…至少…係京都,好少有新人會咁樣影結婚相,佢地應該都係坐定定係D studio裡面,影好正式的相喇!於是,係円山公園,做左一陣明星喇!

 

繼續行…去到八阪神社,呢度掛滿燈籠好靚呀!不過其他地方唔大,所以影左一陣就走lu!!!

 

第一日的尾站…哲學之道…好在有去呢度,靚到真係嘩嘩嘩聲呀!!!超級勁多櫻花呀!好靚好靚好靚…不過都一樣超多人,但係咁靚的環境,小嘉都唔理咁多,要喪影…超正呀!!!

          

           

我們去的第一日,超級陽光普照...其實太晒影相會有難度,不過都好靚呀!!!

 

           

其實我估計呢度係人地家的門前囉...不過佢地家家戶戶都種左好靚的櫻花呀!!!

 

   

一路行,一路有D行人望住...不過白川河呢度算係少人囉!

 

            

跳左好幾次先影到...好在件衫無甩啦!!!

 

             

間唔使見到唔同感覺的地方,terry就會影出唔同氣氛的相...呢幅OK型呀!

 

   

D櫻花真係開滿...最鍾意有風吹過,D櫻花瓣慢慢飄落時...超靚呀!!!

 

   

又係一D搞搞震的相:P

 

           

呢度要多謝一間賞的小食店的人哦...因為佢唔收錢俾我地入去影相,好喜歡d燈籠,真係好靚呀!!!

 

   

円山花園裡面其中一個湖邊空地,其實當時超多人圍住睇我地影相,有D人仲拎埋手機出黎影添...所以...將佢地當成空氣啦!

 

            

八阪神社...呢個位好靚,好有特色!

 

    

白川河果然名不虛傳,真係路邊種滿櫻花,感謝天父賜我如斯漂亮的風景.

 

    

好喜歡呢幅相的feeling...望清楚D,有個日本人係度偷睇架!

 

            

D櫻花真係勁爆呀!!!超靚...不得不提...個頭飾係小嘉自己買材料做架!!!

 

            

好鍾意呢D自然流露的表情...個時我地兩個係度不停踢下踢下雙腳...好好玩!

 

            

就係咁樣加返D顏色,就可以做到紅葉的效果,但係櫻花就唔能夠用D樹葉變成花的樣式喇!

 

    

行到哲學之道的尾聲時,見到呢個building好得意,就影左呢幅幾得意的相喇!!!